عادى يعنى زى الطبيعى بقلب فى الكتب القديمة , صدفة بحتة مالهاش اى ميعاد ببص لقيت خطك ؛ تخيلى شوفت خطك؟ اللى مضايقنى انى شوفته بالصدفه , كان نفسى اكون بقلب فى الورق علشان اشوفه.
النهاردة شوفت خطك اللى كتبتيه من سنين ولما شوفته افتكرت اللحظة اللى كتبتيه فيها , مش هسألك فاكراها وﻻ ﻻ لأنى عارف اﻻجابة , بس برضو هوصل لنفس النتيجة , انى شوفت خطك.
ماعرفش ليه فكرنى بيكى , اول ما شوفته اتخضيت برضو ماعرفش ليه , كنت خايف منه جدا زى ما يكون هيحرقنى وخايف اركز فيه , حتى خايف اقلب الصفحة لأنى متأكد انى لو قلبتها برضو هلاقيها بنفس خطك.
بس برضو كنت خايف , خايف يفكرنى بيكى بعد ما فضلت كتير بحاول انساكى واعتقدت انى نجحت فى ده , بس فى اﻻخر لما شوفته طلعت واهم ومش فاهم وﻻ عايز افهم.
عايز بس اسألك سؤال , خطك لسه زى ما هو؟ وﻻ اتغير ؛ يارب ما يكون اتغير علشان بحب شكله كده جداً مع انى متأكد انه برضو لو اتغير هحبه ؛ اصلك مش فاهمة , المشكلة مش فى خطك المشكلة فيا انا , بحب كل حاجه ليها علاقة بيكى , حتى اسمك.
الكلام ده كله مش رسالة بكتبها وﻻ احساس جوايا , الكلام ده حكايتى وحكايتك ؛ قصدى اللى كانت حكايتك.
طيب لو هو بالرصاص حافظ عليه ليتمسح :)
ردحذفبس برده نقوال اللي لينا واللي علينا ؟
قشطة أوي :)
من قريتى لكل مدوناتك ومتابعتى ليها بقولك انك جواك احساس وبتكابر فيه ارجعلها انا حاسس انك لسه بتحب انسانه بس حاجه فرقتكم ياريت تعيد حساباتك وتفكيرك انا معرفش ايه هى حكايتك بس ده احساس وكان لازم اقولهولك فكر كويس
ردحذف